Maria Angelina Dique Enoque

Maria Angelina Dique Enoque
Member of the Assembly of the Republic (en)
RENAMOeko parliamentary group leader (en)
; Member of the Pan-African Parliament (en)
Bizitza
Jaiotza	Manica District (en) , 1953ko apirilaren 18a (71 urte)
Herrialdea	Mozambike
Hezkuntza
Heziketa	Maputo University (en)
Jarduerak
Jarduerak	politikaria
Sinesmenak eta ideologia
Alderdi politikoa	RENAMO

Maria Angelina Dique Enoque (Manica, 1953ko apirilaren 18a) mozambiketar irakasle eta politikaria da. 1994an Mozambikeko Errepublikako Asanbladarako hautatu zuten Mozambikeko Erresistentzia Nazionala (RENAMO) alderdiko kide gisa^[1]. Gainera, Panafrikar Parlamentuko kidea izan zen^[2].

Bizitza[aldatu | aldatu iturburu kodea]

Maria Angelina Dique Enoque 1953ko apirilaren 18an jaio zen Manica barrutian, izen bereko probintzian. Haren aita mozambiketarra zen eta amak Hego Rhodesiako nazionalitatea zuen^[3].

Lehen hezkuntza amaitu ondoren, Dondoko eskola pedagogikoan sartu zen. 18 urterekin hasi zen irakasle lanetan^[3].

1975ean Mozambikek independentzia lortu zuenean, Maputora joan zen bizitzera senarrarekin batera. Han ikasketak jarraitzea erabaki zuen eta Maputoko Unibertsitatean sartu zen (garai hartan Goi Mailako Institutu Pedagogikoa), non portugeseko irakasle gisa lizentziatu zen. 1994tik aurrera, Hezkuntza Plangintzaren Estatuko Institutuan lan egin zuen^[3].

Konstituzio erreformarekin eta gerra zibilaren amaierarekin, 1994an alderdi anitzeko hauteskunde libreak egin ziren Mozambiken. Dique Enoqueren nebak, RENAMO alderdiko gerrillari ohiak, bere baimenik gabe erregistratu zuen hauteskunde zerrendan. Hauteskundeen emaitzak jakinarazi zirenean bakarrik jakin zuen hautatua izan zela. 1999an, 2004an, 2009an eta 2014an ere hautatua izan zen, beti RENAMOko kide gisa^[3]. 2010 eta 2015 artean parlamentuko presidenteordeetako bat izan zen^[4]. RENAMOko presidentea ere izan zen 2015era arte^[3].

1972an ezkondu zen, 19 urte zituela. Lau seme-alaba izan zituen. 2009an alargundu zen^[3].

Erreferentziak[aldatu | aldatu iturburu kodea]

↑ (Ingelesez) «1999 election results» Adam Carr (Noiz kontsultatua: 2024-04-30).
↑ (Ingelesez) «List of Members of the Pan African Parliament (as of 15 March 2004)» African Union (Noiz kontsultatua: 2007-09-27).
↑ ^a ^b ^c ^d ^e ^f (Portugesez) «"Entrei na política de uma forma estranha"» Verdade 2013-04-04 (Noiz kontsultatua: 2024-04-30).
↑ (Portugesez) «Chomera eleito primeiro vicepresidente da AR» Verdade 2010-01-23 (Noiz kontsultatua: 2024-04-30).

Kanpo estekak[aldatu | aldatu iturburu kodea]

Datuak: Q6760997

[1] (Ingelesez) «1999 election results» Adam Carr (Noiz kontsultatua: 2024-04-30).

[2] (Ingelesez) «List of Members of the Pan African Parliament (as of 15 March 2004)» African Union (Noiz kontsultatua: 2007-09-27).

[:0-3] ↑ ^a ^b ^c ^d ^e ^f (Portugesez) «"Entrei na política de uma forma estranha"» Verdade 2013-04-04 (Noiz kontsultatua: 2024-04-30).

[4] (Portugesez) «Chomera eleito primeiro vicepresidente da AR» Verdade 2010-01-23 (Noiz kontsultatua: 2024-04-30).

[1]

[2]

[3]

[4]