Sue Hendrickson

Sue Hendrickson
Bizitza
Jaiotza	Chicago, 1949ko abenduaren 2a (74 urte)
Herrialdea	Ameriketako Estatu Batuak
Bizilekua	Guanaja
Hezkuntza
Heziketa	Munster High School (en)
Jarduerak
Jarduerak	paleontologoa
Jasotako sariak	ikusi honorary doctor of the University of Illinois system ; Women of Discovery - Sea Award (2005) ;

Susan «Sue» Hendrickson (Chicago, AEB, 1949ko abenduaren 2a) paleontologo eta arkeologo estatubatuarra da, Tyrannosaurus rex-en fosil handiena eta osoena aurkitzeagatik ezaguna.^[1]

Biografia[aldatu | aldatu iturburu kodea]

Chicagon jaio zen, Illinoisen, 1949ko abenduaren 2an, baina Munsterren hazi zen, Indianan.^[1] Ikasketek aspertzen zutenez, 17 urterekin utzi zituen.^[2] 1971n hasi zen urpekaritzan, besteak beste urpeko arkeologiako lanak egiten.^[3] Filipinetako kostaldean hondoratutako San Diego galeoi espainiarretik zeramika txinatarra erreskatatu zuen taldeko kide izan zen.^[1]

Bere aurkikuntza paleontologikoen artean, Peruko kostaldeko basamortuko zetazeo-fosilak eta Dominikar Errepublikako 24 Ma-ko anbarean kontserbatutako intsektu-hondarrak daude.^[1] 1990eko udan T. Rexen hezurdura fosil bat aurkitu zuen Hego Dakotan, eta sei laguneko talde batek induskatu zuen 17 egunetan.^[4] Fosil hau aurkitu den espezie horretako alerik handiena eta osatuena da. Natur Historiako Field Museoan dago ikusgai eta Sue izena du, bere aurkitzailearen omenez.^[1]

1992an, Hendrickson Franck Goddio itsas-arkeologoaren taldean sartu zen. Haiekin, urpekaritza espedizio askotan parte hartu zuen, horien artean aipagarrienak Kleopatraren Royal Quarters-ak, eta Napoleon Bonaparteren flotak Niloko guduan galdutakoak.^[5]

Obra[aldatu | aldatu iturburu kodea]

Hunt for the Pasado: My Life as an Explorer (2001, autobiografia)

Sariak eta aintzatespenak[aldatu | aldatu iturburu kodea]

Paleontological Society, Explorers Club eta Society for Historical Archaeology-ko Elkarteetako kidea da.
2000.urtean ohorezko doktoretza eman zioten Chicagoko Illinoisko Unibertsitatean.
2005ean, Glamour aldizkariak "Glamour Woman of the Year Awards" sarietan omendu zuen.
2008an, National Geographic Kids-en "Dare to Explore" kapituluan agertu zen.^[5]

Erreferentziak[aldatu | aldatu iturburu kodea]

↑ ^a ^b ^c ^d ^e (Ingelesez) «Sue Hendrickson - Biography» Enchanted Learning (Noiz kontsultatua: 2023-12-07).
↑ «Are You Listening to Your Life?» Oprah.com (Noiz kontsultatua: 2023-12-07).
↑ (Ingelesez) Archaeologist, Franck Goddio-Underwater. «Sue Hendrickson» Franck Goddio - Underwater Archaeologist (Noiz kontsultatua: 2023-12-07).
↑ «Field Museum» archive.fieldmuseum.org (Noiz kontsultatua: 2023-12-07).
↑ ^a ^b «Biography :: Sue Hendrickson - My Life as an Explorer» web.archive.org 2011-01-01 (Noiz kontsultatua: 2023-12-11).

Kanpo estekak[aldatu | aldatu iturburu kodea]

Sue Hendrickson-en wegunea

Datuak: Q454737

[:0-1] (Ingelesez) «Sue Hendrickson - Biography» Enchanted Learning (Noiz kontsultatua: 2023-12-07).

[2] «Are You Listening to Your Life?» Oprah.com (Noiz kontsultatua: 2023-12-07).

[3] (Ingelesez) Archaeologist, Franck Goddio-Underwater. «Sue Hendrickson» Franck Goddio - Underwater Archaeologist (Noiz kontsultatua: 2023-12-07).

[4] «Field Museum» archive.fieldmuseum.org (Noiz kontsultatua: 2023-12-07).

[:1-5] «Biography :: Sue Hendrickson - My Life as an Explorer» web.archive.org 2011-01-01 (Noiz kontsultatua: 2023-12-11).

[1]

[2]

[3]

[4]

[5]