Robert Ficoren hilketa saiakera

Robert Ficoren hilketa saiakera
Mota	shooting attack (en) ; assassination attempt (en) ; Biolentzia politiko
Data	2024ko maiatzaren 15a
Kokaleku	Q125940034
Herrialdea	Eslovakia
Helburu	Robert Fico
Biktima	Robert Fico (target (en) )
Pertsona hilak	0
Pertsona zaurituak	1
Erantzule	Juraj Cintula (en) (shooter (en) )
Arma	Su-arma

l Robert Ficoren hilketa saiakera 2024ko maiatzaren 15ean izan zen Eslovakiako Handlová hirian, Bratislava hiriburutik 150 bat kilometrora. Robert Fico herrialde horren lehen ministroa zen eta, eraosaren ondorioz, larri zaurituta gelditu zen. Zenbait hedabideren arabera, gobernuaren politikarekin «ados» ez zegoelako egin zion ustezko erasotzaileak tiro.^[1]

Gertakizuna[aldatu | aldatu iturburu kodea]

Ustezko tirogilea atxilotu zuten, 71 urteko gizonezko bat, Juraj Cintula.^[2] Lehen informazioaren arabera, gobernuburua hirian bildutako jendea agurtzera gerturatu zen, eta tiroak entzun ziren. Bost tiro eman zizkioten Ficori sabelean eta gorputz adarretan, eta oso larri eraman zuten erietxera. Han ebakuntza egin zioten, eta Eslovakiako lehen ministrorde Tomas Tarabak BBCri adierazi zionez, ordu gutxitan jada ez zegoen hiltzeko arriskuan.^[3]

Lekukoen arabera, hainbat tiro entzun ziren, eta, jarraian, lehen ministroa lurrera erori zen. Segurtasun arduradunek lehen ministroaren autoan sartu zuten berehala Fico, eta erietxera eraman. Erietxeko iturriek jakinarazi zutenez, gobernuburuak ez zuen konortea galdua heldu zenean.^[3]

Atxilotuari «Mendekuz aldez aurretik pentsatutako erailketa-saiakera» leporatu diote formalki. Egilea «gertakari politikoetan oso sartuta zegoen», eta erasoaren arrazoiak, ustez, Ukrainari laguntza militarra emateari uztearekin, Ustelkeriaren aurkako Fiskaltza indargabetzearekin edo Ficok planifikatzen zuen irrati-telebista publikoa ixtearekin ados ez egotea izan ziren. Tiratzailea ez zen talde antolatu bateko kidea.^[4]

Juraj Cintula lehen ministroari tiro egin ziona kartzelan sartu dute erasoa onartu eta hil nahi ez zuela zehaztu ostean. Bere historiak sinpatia ultranazionalista eta arrazistak ditu.^[5]