Pleurotus columbinus
Pleurotus columbinus | |
---|---|
Sailkapen zientifikoa | |
Erreinua | Fungi |
Klasea | Agaricomycetes |
Ordena | Agaricales |
Familia | Pleurotaceae |
Generoa | Pleurotus |
Espeziea | Pleurotus columbinus Quél., 1881 |
Pleurotus columbinus Pleurotaceae familiako onddo espezie bat da.[1]
Deskribapena[aldatu | aldatu iturburu kodea]
Kapela: 5 eta 15 cm bitarteko diametrokoa, barraskiloaren itxuran, leuna; urdin-arbel kolorekoa edo gris- berdexka; ertza beherantz biribildua.
Orriak: Estu, desberdinak, ez oso zabalak, aurreko muturrean mehetuak oso dekurrenteak; zurixkak, ertza osoa.
Orri dekurrenteak: Hanka ukitzeaz gain beherantz jarraitzen duten orriak.
Hanka: 6 eta 12 cm bitarteko garaierakoa eta 1 eta 1,4 cm bitarteko diametrokoa,. Betea, laburra, zeiharra, eszentriko edo alboan, oso gutxitan erdian, goiko aldea loditua edo ia tuberkulu bereizezin batera murriztua, biluzik edo iletsua oinarrian.
Haragia: Zuria, lodia, zaila. Usain arin samarrarekin, ez oso atsegina, zapore gozokoa.[2]
Etimologia: Pleurotus terminoa grekotik dator, “pleuron”, “otós” hitzetatik, belarriaren antzeko kapela alboan jarrita, esan nahi du. Columbinus epitetoa latinetik dator, usoa esan nahi duen, “columba” hitzetik. Bere koloreagatik
Jangarritasuna[aldatu | aldatu iturburu kodea]
Jangarri ona.[3]
Nahasketa arriskua[aldatu | aldatu iturburu kodea]
Zalantzarik gabe, Pleurotus ostreatus tipikoaren aldaera gisa onar daiteke, arre edo gris marroi kolorekoa inoiz ez gris-urdin kolorekoa.
Sasoia eta lekua[aldatu | aldatu iturburu kodea]
Udazkenean. Zuhaitzen enborretan, batez ere koniferoen egurretan.
Banaketa eremua[aldatu | aldatu iturburu kodea]
Kanada, Ameriketako Estatu Batuak, Mexiko, Europa, Errusia.[4]
Erreferentziak[aldatu | aldatu iturburu kodea]
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Lotina, Roberto. (1985). Mil setas ibericas. Diputacion foral de vizcaya, 353 or. ISBN 84-505-1806-7..
- ↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 471 or. ISBN 84-282-0540-X (T. 2). ISBN: 84-282-0538-8 (O.C.)..
- ↑ Pleurotus columbinus: GBIF—the Global Biodiversity Information Facility.